E na o le 16 tausaga o se tama talavou ua molia nei i le mae’a o se faalavelave ua feta’ua’ina ai le tatui se’i tulou o se isi foi talavou i fafo ane o se fale’aiga a le Mcdonalds i Brisbane.

Na agai atu leoleo i le faalavelave lea i le ‘afa o le 9 i le po anapo ina ua oo ane lipoti o le mataupu lea ia i latou, ta’ua ai se faaoogalima e aofia ai se kulupu o tagata.

E talitonu leoleo o le taimi o le vesiga lea na aafia ai se tamaititi 17 tausaga ina ua tatui e le tagata ona foliga ma le fatafata se’i tulou.

Fai mai e toalua tagata faigaluega a le McDonalds lea na tamomo’e atu ma fesoasoani i sia talavou seia oo ina taunuu atu paramedis.

Fai mai le lipoti na molia e leoleo se isi talavou 13 tausaga i le umia o se naifi i se nofoaga faitele.

O loo faaauau le suesuega i lenei faalavelave.

Puna o Faamatalaga: https://www.9news.com.au/national/queensland-news-deception-bay-mcdonalds-stabbing/0b6c67e1-416c-417b-b984-336d6ab3e103