Ua molia i le fasioti tagata le avetaavale o le taavale lea na ia so’aina lē na maliu i le kapaka i Glen Eden.
O le aoauli ananafi na tupu ai ma e faapea na vave alu ese le taavale na so’aina lē na uma ai lava lona soifua i lea nofoaga.
Mai le te’a o le 12 ananafi i le aoauli na faasolo ai loa ma suesuega a leoleo ma o New Lynn lea na maua mai ai anapo ma aveesea mai ai e leoleo.
Na faaopoopo ai ma leoleoga i Sisifo o Aukilani anapo a o faasolo suesuega a le ofisa.
I nisi o lipoti o loo ta’ua ai sa taumafai nisi e tuliloa le taavale i le taimi na sola ese ai, peitai na fā’ata atu loa le fana toe solomuli loa ma o se gaioiga ua atagia mai ai o se osofaiga na fafau.
O le asō e tulai ai le alii 27 tausaga i luma o le faamasinoga.
