Ua molia le alii talavou i le faaoolima e tusa ma le faaoomanu’a na faamanu’alia tigaina ai le tama na sulu i le supamaketi i le afiafi o le Aso Lulu.
E pei ona ta’ua i tala o le taeao ananafi, o le tama lenei na sulu i le supamaketi lata ane a le New World i Manurewa mo se fesoasoani.
O le asō e tulai ai le alii 19 tausaga ua molia i luma o le faamasinoga faaitumalo i Manukau ma o moliaga o le faaoomanu’a e faaaogā ai se auupega lea o loo molia ai.
Ae mo le tama na faamanu’alia, e tuufaatasia tala fou o loo iai pea i le falemai ma ua iai le suiga.
