E 60 tausaga le matua o se tina ua molia nei i le fasioti tagata ina ua maua atu se alii i se fale i Dunediin ua maliu.
Faailoa mai e leoleo na valaau ane le latou fesoasoani i se fale i Dunedin i le pitonuu o Tainui poo le tea o le lima i le afiafi ananafi ma o latou maua atu ai le tinomaliu o le tagata e pei ona ta’ua.
Na ave ai e leoleo se tamaitai ma molia ai mulimuli ane i le fasioti tagata.
E tulai i le faamasinoga faaitumalo i Dunedin i le asō ma ua taofia nei ma faasā le faailoaina o lona igoa faatasi ai ma le igoa o lē ua maliu.
Fai mai o le aso 6 o Iuni e toe valaau ai le mataupu.
Fai mai leoleo e fia faamautu mai i le komiuniti e le o iai se tulaga lamatia o iai mai lenei faalavelave ma e leai foi se isi tagata o toe sailia.
O faamatalaga mai tuaoi ua ta’ua ai e lei leva nei ona me’i atu le ulugalii lea i le fale o loo iai nei, a o lea ua alia’e mai a lea faalavelave.
