Ua molia nei e leoleo le talavou lea na feta’ua’ina sa ia aveina le taavale sa feto’ai ma se loli i Vitoria i le vaiaso nei ma maliu ai le isi talavou e 15 tausaga na o la malaga faatasi i le taavale.
O le tamaitai talavou e 14 tausaga na ave atu i le falema’i ae o le pasese o le taavale o le tamaitai foi e 15 tausaga o Montana Russell na maliu ai lava i le nofoaga na lavevea ai taavale, e lata i Locksley.
Ua molia nei lē na aveina le taavale i le avetaavale matautia ua mafua ai le maliu.
O le isi pasese a le taavale o se tamaititi e 12 tausaga sa ave foi i le falemai mo togafitiga.
Na malaga ane i latou ia pei ona feta’ua’ina i se taavale gaoia o le Holden Captiva i le Hume Highway ae lavevea ai ma se loli.
O le pitonuu o Locksley e pe ā ma le 139km mai Melepone ma ua toe tatala i tua le teineititi e 14 tausaga e faatalia ai se aso e tulai ai i le faamasinoga o tamaiti.
