O loo tau saili pea e leoleo meatotino e pei o telefoni ma se masini pu’eata a le au faigaluega ase fale televise mai Ausetalia o loo pu’eina le ata faasolo o le survivor, ae ua faailoa e le Komesina o leoleo, e toatasi se alii 27 tausaga ua molia ile faaoolima, ina ua maua o ia lea sa alu ile ise nofoaga sa tofa ai se tamaitai o le au pu’eata.
Faaalia e le komesina le susuga Auapaau Logoitino Filipo, o mau ua oo atu i leoleo o lea taulealea na tago ile vae o le tamaitai ae o loo moe.
E le gata ina molia ai ile faaoolima, ae ua molia foi ile maua ise nofoaga i taimi ole po faapea le tu fua ile nofoaga e aunoa ma se mafuaaga tatau faaletulafono. O le aso Lua asau e oo atu le ua molia i luma o le faamasinoga.
