Ua molia e leoleo se alii 18 tausaga le matua, o loo masalomia i le faomea, ina ua faaulu atu i leoleo le tagi a se ulugalii mai Siamani na malaga mai le meli laupasese i le aso 20 o le masina ua mavae.
O lea alii e mai le afioaga o Matautu-tai. Na faamaonia mai e le Komesina Lagolago ia Papalii Monalisa Tia’i Keti o loo i lalo nei o le vaaiga a leoleo lea alii e faatali ai le aso e tulai ai i le Faamasinoga.
O lea talavou o loo masalomia na ia se’iina le ato a le tina papalagi a o tietie atu ai i le uila ma lona toalua e maimoa i le taulaga o Apia.
Na tali ane leoleo ma saili ai loa lea talavou ma maua ai lava i lea aso.
