E toalua alii ia ua molia ma o le a tutulai i le faamasinoga i moliaga o le gaoi ma fualaau faasāina aemaise o le maua atu o le tino maliu o se tamaitai talavou i se fale i North Bondi i le taeao ananafi.
O le isi o i laua ia e 32 tausaga na maua e leoleo i Hardy St ina ua maua e leoleo ni faamatalaga e faatatau i se tamaitai o loo i se tulaga faaletonu ma e ui i galuega fesoasoani a paramedics peitai na maliu lava sia tamaitai.
E lei faamautuina poo ai tonu lea tamaitai ae talitonu pe ā ma le 19 tausaga.
A o faia suesuega mo le alii lea e 32 tausaga ae maua ai foi e leoleo ma le kalama e tasi o le aisa ma laau faasāina ma pueina mai ai loa ma se isi alii e 34 tausaga ma ua molia i le umia o fualaau faasāina.
O loo faatalia suesuega faagasolo a leoleo.
Puna o Faamatalaga: https://www.9news.com.au/national/north-bondi-woman-body-found-two-men-charged-over-drugs/5d501dad-84d8-43b9-b40b-2cf604ca6e16
