E silia ma le 80 tagata ua maliliu i osofa’iga a Isaraelu i Lepanona, o le itu i Matu o Gaza ma Suria talu mai le Aso Toonai.

O lipoti a le CNN ua ta’ua ai e 20 tagata na fasiotia i le Aso Toonai i le aai o Almat i le ogatotonu o Lepanona ma e aofia ai ma tamaiti.

O videos mai lea nofoaga ua iloa ai e tasi le fale ua faaleagaina ma ua faailoa e le sui o le Palemene mai lea faaitu o Simon Abi, o le fale ua faaleagaina sa taula’i sa’o atu iai le osofa’iga, o le fale o se tasi e iloa tele ma e lē taumate na iai nisi sa sa’ili ni mea e faamautū ai ma ua aafia ai i le osofa’iga.

O le isi osofa’iga i le aai o Mashghara ua fasiotia ai tagata e to’atolu faatasi ai ma se osofa’iga i le ea i le itu i Saute o Lepanona.

A itiiti mai e 2,513 tagata ua fasiotia ma le 11,719 ua manunu’a i Lepanona talu mai le aso 16 o Setema.

Ua faailoa e le vaega o le Puipuiga a Isaraelu ua aveesea uma e le Airforce le tele o le ‘aufaatupu faalavelave i Lepanona i nai aso ua tuana’i atu.

Na o latou ta’ua foi ananafi e iai loketi sa fana ane mai le itu i Saute o Lepanona ma ua iai mea ua faamauina i le kolosi ane lea mai Lepanona i Isaraelu.

O nisi poloketi ua faalavelavegia ma pa’ū ai a’upega sa fanaina i nofoaga lautele ma e leai nisi na faamanu’alia ai.

O loo faaauau pea vesiga i le taimi nei.

Puna o Faamatalaga: https://edition.cnn.com/2024/11/10/middleeast/lebanon-israeli-strikes-intl/index.html