O le iuga o se suesuega sa faia ua faailoa ai o nisi o tagata e malaga mai i Ausetalia e maualuga atu le tulaga o a latou aoaoga nai lo tagata na soifua ane i Ausetalia ae o le toatele o i latou ia na malaga mai o loo faafaigaluega i ni galuega e matuai maualalo atu nai lo a latou aoaoga ma o nisi o loo matuai faigata lava ona maua ni galuega.

O lea suesuega ma lona iuga sa faamatuu mai e le ofisa o fuainumera faamauina a Ausetalia ma ua faailoa ai o le 56 pasene o tagata na soifua ane i Ausetalia o loo iai agavaa maualuluga foi ae o loo faamauina o le 63 pasene o tagata na soifua ane i atunuu i fafo ma malaga mai i Ausetalia ma iai foi agavaa ia.

Ua ta’ua foi i isi lipoti o nisi o tagata malaga mai i Ausetalia e iai agavaa i galuega skilled migrants ua maitauina ua faafaigaluega i galuega maualalo ane nai o o latou tomai ma ua fautuaina ai le silasila o i latou ia i nisi o polokalame ma faalapotopotoga pei o le AMES Australia ma le Skilled professional migrant program e ono fesoasoani ai i lea tulaga.