E manatu le alii iloga i le taaloga lakapi liki i Ausetalia o Wally Lewis o le tama taalo a le Roosters o Sam Walker e ono avea ma tali mo le latou ‘au pe a taalo i le ‘afa mo le Brisbane Broncos.
O le Broncos sa iai foi se taimi sa fesootai ai ma le alii o David Fifita a o lei sainia le toe faaopoopoina o lana konekarate i le Gold Coast mo le isi tolu tausaga.
O Walker la, 20 tausaga sa taalo foi i le ‘au laiti a le Broncos a o lei saini agai i le Roosters i le 2019 ma o loo agaigai pea ona avea o se tasi o fetu pupula o le taaloga liki a le NRL.
I le unaia ai la e Andrew Johns o le Broncos i le vaiaso talu ai mo le sailia o sa latou ‘afa, ua fautuaina ai e Lewis le silasila loa o le kalapu i le alii o Sam Walker.
