E 25,167 taimi sa faasalaina ai tamaiti aoga e faamalolo mai aoga mo ni aso, stand-down i le 2022, o se fuainumera pito sili atu ona maualuga ua iai i le silia ma le 20 tausaga o faamaumauga, e pei ona faailoa ai i fuainumera a le Matagaluega o Aoaoga.
O lea fuainumera e tusa ma le lata i le 3.3 faasalaga e faia mo tamaiti taitoatasi uma o le selau o tamaiti aoga, o se faatulagana pito sili ona maualuga ua faamauina.
O nei faasalaga, o le aloaia lea ona aveesea o se tamaititi aoga mai le aoga mo le silia ma le lima aso.
I le tausaga talu ai, o le 24 pasene o le 18,681 o tamaiti aoga, e silia ma le faatasi ona faamalolo lē tumau ma aoga.
E ui lava sa siitia faasalaga i le 2022, ae o le faatulagana o faasalaga pito sili ona matuia e iai le faamalolo mo ni nai aso, faamalolo mo se taimi lē tumau ma le faatea ese, e tumau le talitutusa pe maualalo ifo nai lo tausaga ua mavae.
O le ulaula tapaa, vaping, poo le avamalosi sa i tua o le 16 pasene o faasalaga e faamalolo ese ai nei tamaitai mai aoga mo ni nai aso i le 2022, o se fuainumera pito sili ona maualuga ua faamaumauina, e 8 pasene ua siitia iai mai le 2019.
O faaoolima i tamaiti aoga, o se mafuaaga e tasi pito sili atu lea ona maualuga o tamaiti e faasalaina i le 29 pasene o faasalaga i le 2022, ua palasi teisi ane ai i lalo nai lo tausaga i luma atu.
O le faamalolo mo ni nai aso, e pito sili atu ona maualuga i tamaiti i le matutua e 13 ma le 14 tausaga.
I le lipoti a le Matagaluega o Aoaoga sa ta’ua ai, ua siitia le aofaiga o tamaiti ua aafia i le faaoolima, ulaula tapaa ma le mimiti asu (vaping).
