Fai mai ua matuai faatupula’ia le aofai o tagata e saili togafiti atu i le falemai i Middlemore i le emergency department ina ua faatetele le pepesi o le fulū ma isi gasegase o le winter.
Na faailoa e se sui mai le falemai e maualuga lava le numera o tamaiti e avatu ae faapea foi tagata matutua ma o gasegase e aofia ai le faaletonu o le mānava, o le influenza A lea o loo matauina e toatele ua aafia ai.
Fai mai o isi na faifaitetele na i’u ina aafia ai i le pneumonia ma sa matuai faatupula’ia pea le aofai o tagata na agai atu i le falemai.
O isi na agai atu sa faamauina le aafia i le koviti.
Ua fautuaina le agai i fomai faaleaiga pe a vave ai ona maua se togafitiga nai lo le tumutumu i le emergency a le falemai ae tuai ai ona togafitia.
E ui i lea e lē o taofia le agai atu pea pe afai e manaomia vave se fesoasoani.
Puna o Faamatalaga: https://www.rnz.co.nz/news/national/521936/record-number-of-patients-at-middlemore-hospital-ed-as-flu-winter-illnesses-hit-hard
