Ua iai se suiga i faiga faavae a le malo e faasino i le faamamāina o tafatafāala o nuu ma afio’aga o itumalo eseese o le atunuu e pei ona faatino i le taimi nei lea galuega e nisi o konekarate moavao.
O lea ua iai le fuafuaga e amata i le tausaga faaletupe 2026 i le 2027 le faia o lea galuega e Fono Faavae a nuu o itumalo o loo faatino ai lea tautua ma o se suiga o le a maua ai ni tupe faaopoopo e nuu ma afio’aga.
O le a faaauau lava galuega a konekarate i le faamamāina o nofoaga e pei o vaivao tetele e lē o iai ni fale o aiga o nuu, aemaise nofoaga i le taulaga o Apia o loo faamamā le vao ma le lapisi e konekarate.
