Ua faamatala e leoleo mai Perth ua o latou mauaina le tusa ma le miliona o le tau o le ‘aisa poo le meth mai se taavale na aafia i se faalavelave tau taavale ma o loo taofia ai se malu o le malo i le falema’i.
Ua lipotia e le 9News o le malu o le malo o loo aofia na aafia i le faalavelve lea i le afiafi o le Aso Faraile talu ai a o agai atu e fesaga’i ma se alii mai Belmont na ia aveina atu se taavale o le Toyota Hilux ae sa su’e e leoleo.
Fai mai le lipoti o le alii lea e 37 tausaga o lona soifua na ia toe faaoso le taavale ina ua lalata atu le leoleo ma aafia ai loa ma le alii leoleo, ma ave atu i le falema’i.
O loo iai pea i le taimi nei le malu o le malo e 46 tausaga le matua i le falema’i e fai si tigaina o ona manu’aga.
Mo le alii na sola ese na toe maua e leoleo mulimuli ane ina ua lavea le taavale i se nofoaga e lei mamao ese.
Ua faia moliaga ma tula’i ai i le faamasinoga i le Aso Toonai ma ua toe taofia nei e leoleo ma faailoa mai ai ua o latou aveesea mai le uta o fualaau faasāina sa maua i lana taavale lea fai mai e oo atu i le miliona lona tau.
Puna o Faamatalaga: https://www.google.com/amp/s/amp.9news.com.au/article/c70722d9-52d3-4dd8-860b-dc72918a4d88
