Na maua se tino maliu o se tamaitai i le togavao i le itu i S aute o Sini e lata i le malaevaalele i Sini ma e iai le talitonuga e foliga ua fai si leva ona iai le tinomaliu i lea nofoaga ae le’i iloa.
Ua lipotia i le 9News e maua atu le tinomaliu o saisai i se pepa iila se’i vaeane le faafofoga a le atunuu.
Ua ave ai e leoleo ata mai le CCTV e fai ai a latou su’esu’ega ma taumafai e faamautū poo ai tonu sia tagata ua maliu.
Na maua e se tagata koleni i le taeao ananafi le tinomaliu i le togavao e lata ane i le Foreshore Rd i Botany e lata i le malaevaalele i Sini.
Na faailoa e leoleo e lē taumate pe ua atoa ni vaiaso o iai le tinomaliu i lea nofoaga ma o loo masalomia lea faalavelave.
O loo faaauau nei le su’esu’ega a leoleo i lea faalavelave.
Puna o Faamatalaga: https://www.9news.com.au/national/sydney-news-body-found-botany-near-sydney-airport/a835d4b0-027d-4db8-bbd3-0e995c37f822
