E oo atu i le 18 kilokalama le mamafa o fualaau faasāina i lona faatulagaga o fualaau faasāina ua faaigoaina o le Class A drugs, na taofia e sui o vaega o tiute.
I se pepa o faamatalaga mai le Ofisa o Tiute a Niu Sila, na faamauina ai o le 10 kilokalama o ia fualaau faasāina o le ‘aisa o le methamphetamine a o le 8 kilokalama o le pauta o le cocaine.
Na maua ia fualaau faasāina i totonu o se uta a o se pusa la’u oloa mai le uafu i Tauranga i le aso na sosoo ai i mae’a o le aso o le Kerisimasi (Box Day).
Māua i faamatalaga o lea pusa poo le container na aumai mai South America, ui mai le atunuu o Panama, ma na amata mata’ituina mai e le tiute le uta ona o ni masalosaloga; ma amata ai iloiloga.
Ta’ua na afīfī mai ia fualaau faasāina e faafoliga o ni o poloka piliki.
I ripoti, e faapea e oo atu i le 3.5 miliona le tau o le cocaine pe a faatau atu i tua ae 3 miliona le tau o le methamphetamine.
Ua ‘ave le faamalo a le faatonu o vaega o tiute ia Robert Smith i sui io le auaunaga e tusa ai ma le galuega fitā. Ua ia fautuaina foi le mamalu lautele aemaise o faipisinisi ina ia mataala i gaioiga faasoliulafono e ono aafia ai a latou faamomoli ma oloa.
Puna o Faamatalaga: https://www.customs.govt.nz/about-us/news/our-stories/boxing-day-bust-customs-seizes-18-kilograms-of-cocaine-and-methamphetamine-in-tauranga
