O le amataga o lenei masina na faamauina ai le tatala aloa’ia o le vaa faaola fou mo le vaega o auaunaga lavea’i le Whanganui Coastguard.
O se faamoemoe na vaaia ai le omai faatasi o tagata o Whanganui e patipatia lea matāti’a.
I se pepa o faamatalaga mai le Suzuki New Zealand, na faamauina ai o lenei matāti’a mo lenei poloketi na taulamua ai le kamupani ma le Whanganui Boating Centre, ma na tauala mai i Midwest Boats NZ brand ma nisi o paaga totino.
O le auaunaga tau lavea’i, poo le Coastguard e aofia ai le silia ma le 2000 o tagata volunteers poo ē ofo fua atu a latou taimi e tautua ai lenei auaunaga i le atunuu atoa, auā le lavea’iina o soifua ma ola o ē moomia le fesoasoani i le vasa.
Ua faamauina, o le vaa na foa’i atu ua faaigoaina o le Whanganui Rescue ma e 9.5m le telē ma o loo mafai ona faaolaina e ala i afi ua ta’ua o le Twin 325HP Suzuki DF325 Engines.
Faailoa o lenei vaa faaola o le a telē lona sao i le galuega faatino o lavea’iga i faaitu uma o Whanganui, faasolo atu i Manawatu, Kapiti, ma Taranaki.
