Fai mai o se kapeneta uamea lapoa na maua iai i totonu le tinomaliu o se alii i se ālia i le itu i Matu o Niu Sa Uelese lea ua pueina ai nei e leoleo ni alii se toalua.
O le tagata ua maliu na maua i le aso 12 o le masina lenei i Warrell Creek i Macksville ae sa lipotia o loo tau sailia, e 22 tausaga le matua.
O le mataupu lea na iloa e leoleo a o faia le suesuega o fualaau faasāina sa feta’ua’ina mai i Caringbah i le itu i Saute o Sini.
Ua faailoa e leoleo e 22 tausaga o se alii sa pueina mai se fale i Peakhurst ma ua molia i le fasioti tagata.
O le aso 17 o Aokuso e toe tulai ai i le faamasinoga faalotoifale ae o le isi alii e 33 tausaga na pueina ina ua agai leoleo i Brisbane ma faatino ai nisi o poloaiga faaletulafono ma o loo faaauau pea suesuega.
