Ua faailoa le tagata ua molia i le faalavelave na fanaina ai se alii 24 tausaga e suafa ia Marvin Oraiha i Sini a o saofai i totonu o lana taavale i Elizabeth Hills i le aso 22 o Me o le tausaga nei.
O le asō ua faailoa mai ai e 22 tausaga o le alii ua molia i le fasioti tagata i le mataupu lea sa galulue ai le ausuesue a leoleo ma le Strike Force ma faia ai loa sailiga i se fale i Roselands i le aso ananafi ma taofia ai loa ma le alii 22 tausaga lea ma molia i le fasioti tagata.
E lei taliaina le talosaga mo le tatala i tua ma o le aso e tulai ai i le faamasinoga i Bankstown.
Ua faailoa e le 9News e ono lelei fale na sueina i le vaiaso nei i Edensor Park, Green Valley, Yagoona, Liverpool, Merrylands ma Guildord ma fai mai leoleo na maua iai pulufana, isi auupega e pei o taser, laisene o taavale, tupe nisi o fualaau faasāina.
O lē ua maliu sa aoga i le tomai faa designer ma o fafo ane lava o lo latou fale na fanaina ai a o saofai i lana taavale i le aoteatea.
