Ua faatū nei le suafa o le alii taaalo Niu Sila e iai aafiaga tumau ia Cameron Leslie e saili ai se tasi e faamanuiaina i le faailoga taualoa a le Laureus World Sports Award.
O le faailoga mo le Tagata Taalo i le lalolagi poo le World Sportsperson with a Disability.
E lua taaloga e taalo ai lenei alii e aofia ai le Lakapi e faaaoga ai le nofoa faataavalevale (wheelchair rugby) ma le Para Swimming.
I lipoti a le Leitio a Niu Sila na faailoa ai le mataina o taumafaiga a lenei alii lea na manumalo i le pine auro ma pine siliva e tolu mai le World Para Swimming Champs ma na avea ma sui kapeteni a le Wheel Blacks i le Ipu o le lalolagi a le Wheelchair Rugby lea na faia i Denmark.
E iai nisi o sui taaalo a Niu Sila na faamanuiaina foi i nei faailoga a le Laureus e pei o Daniel Carter ma le ‘au a le Olo Peleki 2016, o le susuga Sir Peter Blake faapea Levi Sherwood.
O le alii o Leslie ua na’o le pau lea o le sui taaalo a Niu Sila ua maua le avanoa i nei faailoga taualoa mo lenei tausaga.
