Ua molia tina e toalua e fesootai ma le gaoiina o le Countdown i Greenlane i Aukilani i le Aso Toonai.
E pei ona lipotia i tala o ananafi o Ie augaoi nei na toe pē le taavale i luga o le motorway ma o lea na toe faafoi e leoleo oloa gaoi i le supamaketi.
O tina ua molia e tusa ma le ta’i 30 tausaga le matutua, ma e le gata ua molia ona o le gaoiina o le Countdown ae faapea ai foi isi gaoi e le fesootai.
O le isi toatasi o le kulupu o se talavou ma o lea ua tuuina atu i le Youth Aid.
A o suesue ai la le augaoi lenei, o lea foi na toe maua ai ma le isi e toafa ma e toe toatasi lea o loo sue.
