Na faate’ia le tina Aukilani i le tatala atu o le sukalati ae muamua mai i fafo le ilo.
Ua lipotia e le 1News o le tina Papakura, Teresa Stevens na ia faatauina mai le sukalati ituaiga Whittaker’s Sante Bar mai se tasi o faleoloa i le latou pitonuu i le Aso Sa, peitai na faate’ia i le tatala atu ae maua ai le ilo.
Na toe foi i le faleoloa ma le lē fiafia, peitai e o atu ae teena mai e le faatauoloa e le mafai na sa’o nei faamatalaga.
A o faatali pea le tina i se tali a le Whittaker’s lea e ana le sukalati, ua molimau le sooupu o le fale sukalati i luga o le 1News o loo faia nei suesuega.
O loo maua mai i ata o le sukalati e faatoa uma aso e aoga ai poo le expiry date ia Iulai o le tausaga nei.
