O loo feagai nei se tasi o sui o se kegi a le Comancheros ma ni moliaga ina ua maua ni fana i le mae’a o se faalavelave i le po anapo i Aukilani.
Na faailoa e leoleo asiasi o Jim Wilson na vaaia e leoleo le taavale na aga’i ane i le Ellerslie-Panmure Highway i le te’a o le tasi i le vaveao e iai se sootaga i se tagata na sailia e leoleo, na faailo atu iai leoleo e taofi le taavale e lata i K-Road peitai na sola ese a o mulimuli iai le helicopter a leoleo.
Na ta’ua i le One News na tu le taavale i se fale i Moa Rd, e feta’ua’ina na tuu ai e le avetaavale se ato i le pasese lea na aga’i ese ma le taavale ma momo’e ese, e lei tuliina e leoleo le taavale ae sa mata’itū le vaega na aga’i iai ma maua ai loa mulimuli ane i le fetaula’iga ala i St Johns ma College Rd ma maua ai loa ma le avetaavale.
O le pasese na momo’e ese le taavale ua ta’ua o se tamaitai na maua ma le ato lea e lua fana ma pulu sa iai i totonu.
O le asō e tula’i ai i le faamasinoga le avetaavale, o se tasi e iai sootaga i le Comancheros, e 30 tausaga le matua.
Puna o Faamatalaga: https://www.1news.co.nz/2024/09/25/guns-found-after-comancheros-associate-flees-police-in-auckland/
