O loo galulue nei le ausuesue i le faatinoina o suesuega i se taavale na maua atu ua susunu i le itu i Saute o Sini ae masalomia o loo iai le tagata ua mu ai i totonu.

Fai mai lipoti a le 9News o le vaveao analeila na faavave atu ai emergency services i le kapaka i se tasi nofoaga e lata i Engadine sa lipotia ane ai se taavale o le ituaiga o le toyota RAV 4 o loo mu ai.

O i la na maua ai e le vaega a le tineimu faamaoniga o se tagata ua aafia ai i le afi i totonu o lea taavale.

Ua faasāina lea nofoaga a o faatino suesuega faasaienisi e faamautu ai poo ai tonu lea ua maliu ae o Waterfall o se pitonuu e i tafatafa ane o le Royal National Park ma ua talosaga nei leoleo i soo se tasi e silafia se faamatalaga i lenei faalavelave ina ia fesoasoani ane.