O le uta tele e 3.2 tone o le fualaau faasāina o le cocaine lea na maua e leoleo Niu Sila i le vasa Pasefika i le vaiaso nei o se tasi lea o sapalai tele ua mafai ona faamauina ma maua ia latou suesuega i fualaau faasāina e kiliva solo.
O le Operation Hydros o se gaioiga fai faatasi a leoleo, ofisa o le tiute ma le NZ Defence Force poo le vaega o le puipuiga, ma i se feiloaiga ma tusitala i le aso ananafi ua faailoa ai e le ausuesue o fualaau faasāina na maua e oo atu i le ‘afa piliona lona tau.
A tuufaatasi e pei ona lipotia e le One News e 81 lelei afifi o le cocaine na maua lea ua aveina ane i le atunuu ma fai mai lipoti ua mae’a ona faatama’ia.
E manatu leoleo ma i latou o loo faafoeina lea suesuega e ui i le manuia o suesuega ua faia ua maua ai lea vaega tele o fualaau faasāina, ae e le na o le pau lea o le syndicate faapea o loo iai i le itulagi lea.
E lei leva atu nei foi ona maua le vaalele lea na pa’ū i Port Moresby ae maua ai i totonu le 500 kilo o le cocaine.
Fai mai e lei iai nisi ua molia i le mataupu lea i le taimi nei a o faaauau ai suesuega.
