E toalima alii ua molia ina ua maua ane se uta o le fualaau faasāina o le aisa e feta’ua’ina pe silia ma le 15 miliona le tau.
Na maua ane o loo i luga o se vaalele laititi na lele mai Papua Niu Kini ae faasalavei e leoleo i Kuiniselani.
Fai mai leoleo o le pailate e 51 tausaga ma lona soatau e 52 tausaga, o laua ia na felelei mai ai i le vaalele mai le itu i Saute o Sini e agai i le taulaga o Bulolo i PNG lea pe a ma le silia ma le 250km i le itu i Matu i Sisifo o Port Moresby.
Feta’ua’ina na piki mai e pailate ia le uta e 52 kilo o le aisa mai Papua ma toe foi ai i le malaevaalele i Monto i Kuiniselani.
Na pue lelei e leoleo le aualii ia e toalua ma isi alii e toatolu sa avea ma o latou fesoasoani i lenei gaioiga.
Fai mai le faamatalaga afai ae faamaonia uma moliaga e ono nofonofo i le falepuipui i le olaga atoa.
