Ua vave ona afea le a’oga tulagalua a le afio’aga o Sili i Savaii i faigameaalofa o le Kerisimasi mai le ofisa o le Konesula o le atunuu o Siamani i Samoa.
O se meaalofa tāua mo fanau e pei ona tauaao ai e le sui o le malo o Siamani le afioga Afoa Stefan Szegedi nofoa ma kesi e faaaogā i totonu o potu a’oga.
O lea foai na taulamua ai le ofisa o le amepasa o lea malo i Ueligitone i Niu Sila ma e tusa ma le 30 afe tala le tau aofai o nofoa ma kesi.
O le sui faipule o le itumalo palota o Palauli le Falefa le afioga i le Minisita Leota Laki Lamositele Sio sa ia taliaina le foa’i mai le sui o le Malo o Siamani
