O loo iai lipoti i le asō e faatatau i se maugamu o loo pa i le taimi nei i se vaega o ogaeleele o Ausetalia.
Fai mai lipoti mai le Alaata 9 o ata mai le satelite o loo maua lelei ai le maugamu lea ma vaaia le lava o loo tafe ane agai i le i le itu maugā o Mawson Peak i Heard Island.
O le ata na maua i faamaumauga a le satelite a Europa i le vaiaso talu ai.
Ua faailoa i lipoti a le Weatherzone o faamaumauga mai le satelite ua iloa ai o le maugamu lea sa vaaia o pupuna ane i le 18 masina talu ai.
O Mawson Peak e iai i le tumutumu o le Heard Island e tusa lea ma le 4000 kilomita i le itu Saute Sisifo o Perth.
O le motu lea o Heard ma McDonald Islands e iai i le teritori o Ausetalia i le Vasa Initia ma e faatulaga o Antarctic Islands.
