E 19 tausaga o le alii talavou na malaga mai Aialani ma taunuu i Aukilani, na sau ma le lata i le 2 kilokalama le mamafa o methamphetamine.
O lea alii na taofia i le malaevaalele i le mae’a suesue e le vaega o tiute ma maua ai le 1.9 kilokalama o aisa o loo faalafi i totonu o sipi o le atopau.
I suesuega na maua i fā’ata a le malaevaalele na iloa ai o pauta peitai e lei faamaoniaina i lea taimi, ma ina ua suesue atili ma mautinoa ai loa o aisa.
O lea alii na tulai i luma o le faamasinoga faaitumalo i Manukau ananafi i moliaga i lona aumaia faananā o aisa ma le faamoemoe e toe faatau ese.
