O le tamaitai kapeteni o le Black Ferns, Ruahei Demant lea ua avea o le tamaitai taalo o le tausaga i le lakapi 15 a tamaitai a o faaauau ai ona faamanatuina le sao o i latou ia ma le manumaloina o le Ipu o le lalolagi i le lakapi i laufanua o Aotearoa.

O se sauniga faapitoa sa tauaaoina ai faailoga o le amanaia ma le faatāuaina o tamaitai lakapi o le lalolagi, World Rugby Awards ua faailoa ai o Ruby Tui ua mauaina lea breakthrough Wome’s 15s Player of the Year a o le faiaoga o Wayne Smith o le faiaoga o le tausaga ina ua ia toe taitai mai le ‘au i le manumaloina o le Ipu i le mae’a ona faiaina ia Egelani ma Falani i totonu o le 12 masina talu ai. 

Faaleo le fiafia o le tamaitai kapeteni ma Tui i faailoga ua tauaaoina. O le tamaitai talavou o se alo foi o Samoa o Sylvia Brunt sa faatu foi lona igoa i le Womens try of the year award ona o lana taumafai i le taaloga ma Wales ma e ui e lei manuia ae o se tasi lenei o fetu pupula mo le ‘au i le lumanai.