Ua aliae i upega tafailagi ni videos o le taimi na tupu ai se faalavelave i Aukilani na faasiilima ai e leoleo se alii e foliga sa ia faailoa ane o loo ia te ia se fana lea na iloa mulimuli ane e leoleo o le air rifle.
O le video na pue e nisi na iai i lea vaega o Aukilani i le taimi na tupu ai le faalavelave ua tuuina i luga o le social media o loo iloa atu ai le tagata lea o loo faasiilima e leoleo i Eden Terrace.
Fai mai leoleo na faia suesuega ina ua maua atu lipoti i le afiafi o le Aso Sa na tea nei e faapea na faalogoina le pa ane o se fana i le faaitu o Parnell ma faia ai loa suesuega i le alii lea ma iloa ai e moni sa ia faapa se air gun ae e lei faia iai ni moliaga.
Ua mae’a ona talanoa iai leoleo ile faaaogaina saogalemu o lea fana ma e matuai mataitu ma le toto’a e leoleo faalavelave e aofia ai fana.
O le video na tuuina i luga o le social media ua maimoa iai le silia ma le 300 afe o tagata.
