O le taeao nei na faataunuuina ai le taaloga tele a Liverpool ma le Manchester United i le taamilosaga Soka a le Premier League ma na iloga ona faamo’amo’a e le ‘au a Liverpool le ‘au a Manchester ma manumalo ai i ‘ai e 7 i le 0.
I le talafaasolopito o Manchester United i le Premier League o le taimi muamua lea ua matuai iloga ona malolo i ni ‘ai se tele. O le manumalo ai o Liverpool ua tulai mai ai i le tulaga lima i le faatulagana atoa ma o loo iai le faamoemoe ina ia agai pea i luma a latou taumafaiga.
O le tulaga 4 o loo iai le ‘au a Tottenham ma e na’o le 3 ‘ai o loo sili ai i le ‘au a Liverpool ae mo le tulaga tolu o loo iai le ‘au a le United lea e na o le 7 ‘ai o loo maualuga ai a latou points i le ‘au a le Liverpool.
O le alii o Salah Mohammed o le tagata ‘ai silia a le Liverpool o loo iai nei.
