E iai se imeli ua faasalalau nei i le atunuu ua fautua mai ai le malo ia silafia e tagata ma ia tapē pe a lafo ane ia i latou.
Ua faailoa mai i le asō o lea imeli e faapea na tuuina ane mai le ofisa o le malo ma le auaunaga a le MYGOV ma e taufaamata’u mai ai o le a faailoa ni tulaga faalilolilo o tagata pe a lē totogiina atu se vaegatupe.
E faatonu mai ai le tagata o loo lafo mai iai le imeli ina ia totogi se vaegatupe i le Bitcoin ina ia ‘alofia le faalauiloaina faalauaitele o nisi o faamatalaga patino ia i latou.
O loo latou ta’ua ai foi i lea imeli o loo iai ata faalilolio o le tagata o loo tusi iai e mafai ona o latou faalauiloa faalauauitele pe afai e lē totogiina atu le tupe o loo faatonu mai.
Manatua o loo faataitai mai faapei o ia o se tagata o le malo ma le MyGov.
O le fautuaga mai leoleo i le atunuu ia aua lava ne’i tatalaina ia imeli ma ia tapē vave ese pe a aliali atu.
Fai mai le Scamwatch ua silia ma le 2 miliona ua lusi i ituaiga faiga faavalea faapea ma e ao lava ona mataala ai.
