O loo faatalia nei se isi lipoti lata mai mai leoleo i Ueligitone e tusa o se faalavelave ua feta’ua’ina mai sa tupu i le ofisa o le Western Union i Lambton Quay i le taeao analeila. 

Fai mai lipoti o leoleo faaaupegaina na agai ane ma si’o le nofoaga lea ma o loo ua faasāina i le taimi nei a o faia suesuega.

O loo faatalanoa e leoleo le aufaigaluega a se tasi o pisinisi e i autafa ane o le Western Union ae fai mai se tasi leoleo na o latou maua se lipoti o se faalavelave ae e le o fia faailoa maia faamatalaga auiliili mo le taimi nei. 

Ua lapataia le lautele ia alofia le faaitu lea ae fai mai se tasi o molimau e faigaluega i pisinisi lata ane sa ia vaaia se tagata e laei uliuli o agai ane ma ulufale i le ofisa o le Western Union poo le tea laititi o le 9 ae lei leva ae faalogoina loa sailini a leoleo. 

O loo faaauau pea le suesuega.