Baby RSV

Masalomia ole trans tasman bubble ua toe aliae ai le RSV

E manatu nisi ole trans tasman bubble lea ua mafua ai le toe aliae o le ituaiga vairusi e pei o le flu lea ua aafia ai nai fanau iti aemaise lava I pepe, le vairusi faaigoaina o le RSV, Respiratory Syncytial Virus.

O le lipoti lata mai a le ZB ua taua ai le oo atu I le 500 o e ua aafia I le atunuu I lenei vairusi mae matele lava I fanau ma ua tele ina faaleaogaina ai nisi o taotoga I maota gasegase ina ia faaavanoa moega mo nai fanau.

Faamatalaga a le tagata suesue I mataupu faapea mai le Otago University, Lance Jennings ua taua ai o le ituaiga vairusi lea e masani ona pepesi I le taimi o le malulu I Niu Sila I tausaga taitasi faapea foi I isi atunuu.

Pau le itu ua ese ona e lei aliae faatasi le vairusi lea I le tausaga na tea nei, masalo ona o le taimi lea sa loka ai pe faia ai le tapu ile atunuu ma faaitiitia ai fesootaiga ma tagata malafa mai I le atunuu.

O I la lea e afua ai nisi o finagalo e foliga o le toe maua o le avanoa e malaga mai ai tagata I le atunuu I lalo o le trans tasman bubble lea ua toe aliae ai ma lea vairusi.

Na lipotia atu muamua e talafou le tulaga tigaina o nai fanau itu o loo lipotia mai I vaega eseese o le atunuu mafua mai I le RSV.

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required