Ua faamauina o se ta maoa’e e seāseā maua, a le tama tapolo mamao a Niu Sila, Ryan Fox, i lana ta muamua lava sa alu ai le polo i le pu.
O se ta mataina sa iai i le tāga lona 17 a le 17th Island Green i le taamilosaga a tagata taaalo e $40 miliona i le Players Championship i Florida i Amerika.
O Fox, e 37 tausaga, o le atalii o le numera 10 logologoa muamua a le All Blacks, Grant Fox, ua tusia nei lona igoa i tusi o talaaga, i le avea ma tama lona 14, i taaloga o tagapolo mamao, i le na o le tasi lava le ta ma alu ai le polo i le pu.
Ma ua avea foi ma se uluai tagata taalo ua faamauina i le sosoo i le tulaga ua iloa ai i le taaloga o le golf (back-to-back eagles) i le 16 ma le 17.
