Ua ave le faafetai a le Sui Palemia le afioga Tuala Tevaga Iosefo Ponifasio, i le moli talosaga a le atunuu ma le manatua pea o taitai o le Malo, e pei ona manuia le siiga gasegase a le taitai o le Malo le afioga i le tamaitai Palemia Fiame Naomi Mataafa.

Ua faailoa e le Sui Palemia o le faaiuga o le masina amata o lenei tausaga fou, o le a toe taliu mai ai i le atunuu le taitai o le Malo. 

Ae mo le silafia e le atunuu, o loo sailiili matagi foi i fafo mo siaki ma togafitiga faafomai, nisi o faipule o le Palemene ma Minisita, e pei o le sui faipule o Sagaga Numera 3, afioga Sala Fata Pinati.

O le Minisita o Leoleo falepuipui ma le ola toe fuataina afioga Faualo Harry Schuster, minisita o le matagaluega o Alamanuia Pisinisi ma Leipa tofa Leatinuu Wayne Sooialo, ma le Minisita o Tina ma Tamaitai Atinae o afioga ma aga fesootai le afioga Leota Laki Lamositele Sio.