O le taeao nei na faailoa mai ai i luga o upega tafailagi a le Toa Samoa ua i’u manuia le finau a le Kapeteni a le ‘au ia Junior Paulo ma ua kilia nei e taalo mo le taaloga o loo loma nei ma Egelani.
E pei ona silafia o le faasalaga sa tuuina atu i le alii Kapeteni mai le Komiti Suesue a le NRL na faatatau i le lima (forearm) sa tuu i luga ma tamoe sa’o i le sui taalo a Tonga. Na tuu le avanoa e tali atu ai Paulo i le faasalaga ma o lea la ua i’u manuia.
Ta’ua e Junior Paulo o le a ave le faamuamua e tapena ai mo le taaloga ma Egelani ma na momoli foi lana faafetai i tagata Samoa i le lalolagi atoa mo le lagolago atu.
“I just want to let the whole of Samoa know that I am cleared to play, we definitely happy with the results but we definitely looking forward to this game ahead”.
O le vaveao o le Aso Sa a sau nei i le itula 3:30 o le a taaalo ai le Toa Samoa ma le ‘au a Egelani e saili ai se ‘au e sao atu i le sailiga siamupini.
