E manatu le au su’esu’e o loo feagai ma le su’esu’eina o le faalavelave ua fasiotia ai se alii saienitisi mai Aukilani, e iai le tagata o loo nofonofo lelei ma faamatalaga autu o lenei faalavelave e ono fesoasoani e faamautu poo ai le tagata na ia faatino sea gaioiga le alofa i lē ua maliu.
O le faalavelave lea ua maliu ai le saienitisi e suafa ia Stephen Thorpe pei na lipotia i le newstalkzb, na osofaia e se tagata i le kapaka a le Blockhouse Bay Tennis club i le Aso Toonai na tea nei , fai mai leoleo o le tagata na faatinoina le osofaiga e le taumate na sola ese ma lea nofoaga ma sa ono pisia ona lavalava i le toto mai lea osofaiga.
Vaaia foi e tuaoi se kulupu o tagata na oo atu i le nofoaga na tupu ai le faalavelave ma faia ai sa latou sauniga e faapaia le nofoaga ma fetagisi ai i le toe manatua o si tama ua maliu. Molimau le toatele e silafia lē ua maliu o se tagata loto lelei ma alofagia.
Taua i le lipoti ua maea fesootai leoleo i le aiga o lē ua maliu o loo i Ausetalia ma o loo faailoa foi iai tulaga o le suesuega o loo faagasolo.
Puna o Faamatalaga: https://www.newstalkzb.co.nz/news/crime/blockhouse-bay-killing-police-say-key-information-being-withheld-as-blessing-held-for-stephen-thorpe/
