Manaomia se fesoasoani mo Baby Elijah

O se tinā Samoa ua manaomia tele se fesoasoani tau tupe mo se avanoa e malaga atu ai i Initia mo se taotoga mo lona alo ia Elijah. 

O le aafiaga o Elijah ua manaomia se taotoga o lona ate (liver) sei tulou ma ua na’o atunuu i fafo e mafai ona fai ai nei togafitiga. O le talosaga ma le augani a le tinā Victoria Lo Tam- Asomaliu i luga o le Niusipepa a le Samoa Observer e talosaga ai i le mamalu o le atunuu poo ai lava e fia tuu atu le tauau fesoaosani e ala i seleni e fesoasoani ai mo le totogiina o pili falemai ma le agai atu i Initia mo lea taotoga.

Ua ofo alofa lenei tina e tuu atu vaega o lona ate (liver ) sei tulou e ola ai si ana tamā ma o se taotoga e lē faigofie peitai e lē gafatia e lona aiga le itu tau seleni e faataunuu ai lea fuafuaga i atunuu i fafo o le ala lea o le augani ma le talosaga o le tina ia Victoria mo se fesoasoani.

O loo galulue nei le aiga o Elijah ma Victoria e ala i se gofundme i luga o le initaneti mo se isi lava e fia fesoasoani mo le faasaoina o le ola o si nei alualutoto ma fesoasoani i lona aiga mo tapenaga.

Na faafesootai atu le aiga o Elijah i le Liver Organization i Initia mo se fesoasoani ma o le aofia ga atoa na tuuina ai e lea Faalapotopotoga mo le faia o le taotoga o Elijah e oo atu i le $40,000 tala Amerika.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required