Ua savalia e le pulega o le kamupani telefoni o le Vodafone le Minisita o le pulega o tagata tafafao mai fafo, i le fia maua o le lagolago a le Malo i le auina atu o se tausala o le Miss Global Samoa i le tauvaga a le lalolagi e faia i le atunuu o Vietnam i le masina o Novema o le tausaga nei.
Ua faailoa e le Minisita le afioga Toeolesulusulu Cedric Schuster i auala o faasalalauga ma fesootaiga a le Malo, na savalia lona ofisa e le kamupani ae ua ia faailoa iai e tasi lava le tausala e ave iai le faamuamua a le Malo o le Tausala o Samoa.
O le masina Setema o loo fuafua e malaga mai ai i lo tatou atunuu le tausala o loo umia le pale o le Miss Global o se vaega o faalauiloa a o saili ai ni tamaitai o le atunuu e fia auai i le tauvaga e saili ai se sui o Samoa mo lea tauvaga faavaomalo.
Le afioga i le Minisita o le Pulega o Tagata tafafao afioga Toesulusulu Cedric Schuster, i auala o faasalalauga le upega tafailagi a le ofisa sooupu a le Malo.
