O loo manao le tina Korea i Saute lea ua molia i tino maliliu o fanau e toalua na maua i totonu o atopau, e aua nei faailoaina lona suafa mo le taimi atoa o loo tu ai i luma o le faamasinoga.

O lea ua mae’a teena e le tina na toe aumai mai Korea i Saute e tu i le faamasinoga i Niu Sila nei, ona moliaga e lua o le fasioti tagata faamoemoeina ma o le tausaga fou ua faatulaga e faatoa amata ai iloiloga o lenei mataupu i Aukilani.

I luma o le faamasinoga maualuga ananafi i Aukilani na folasia ai e le loia a lē ua molia le aua nei faailoaina o le suafa o le tina ona o le popolega i lona saogalemu.

O nisi o itu o le a faafaigata ai foi ona auai i siaki a le falemai faapea nisi o suesuega e moomia le auai iai.

E uma ananafi e lei maua se faaiuga a le faamasino Anne Hinton, ma o loo tālia i le asō.