E manatu le vaega faaupufai a le National o le toe faaaoga o le tulafono le three strikes rule o le a taofia ai le toe soli o le tulafono e i latou ua faamaonia solitulafono.
O le amataga o le vaiaso nei ua faalauiloa ai se isi faiga faavae fou a le vaega faaupufai ua folafola ai o le a malosi le latou finau i faaiuga o soligatulafono pe afai ae tulai mai i le foe o le atunuu.
O le taimi nei o faamasino e mafai ona o latou faaaoga lo latou malosiaga e faaititia ai ni faasalaga pe a iai ni mafuaaga tatau peitai fai mai le National e tatau ona faatapulaa lea tulaga o le faaitiitia o faasalaga o i latou ua faamaonia solitulafono.
Fai mai le National o le toe faia o le three strikes law o le a lē toe faaaogaina ai foi ma lipoti faaleaganuu lea e iloilo ai le talaaga o le tagata ma mafuaaga na ala ai ona oo i lea tulaga o le solitulafono.
Fai mai le vaega faaupufai o ia lipoti e masani ona oo atu i le 20 miliona i totonu o le fā tausaga, o se vaegatupe e ono faaaoga e le National agai i tagata e aafia i ia soligatulafono.
