E manatu le minisita lagolago o faamasinoga o Nicole McKee, afai e loka i le falepuipui le ausolitulafono ogaoga, ona lē iai lea i komiuniti e faatino nisi mafatiaga ma aafia ai nisi tagata.
O lana faamatalaga lea na faia i le mataupu o loo manana’o ai le malo e faamalosi se isi faiga o le tulafono o le Three Strikes Law lea na toe suia i le 2022 i lalo o le faigamalo talu ai.
O le toe fetuuna’iga la ua iai le tulafono lea o le a apalai lava na o faasalaga, a itiiti mai pe lua tausaga ma ua faailoa e le minisita lagolago o le faamoemoe o le malo ia matuā faamalosi le tula’i atu i mataupu tau soligatulafono aemaise foi le ausolitulafono ma ia tuuina le lagolago i nai tagata e aafia poo victims.
O nisi la suiga ua faaāta e aofia ai le strike lona lua o le a leai se palola ma le strike lona tolu e tatau ai i le ausolitulafono ona tuli le faasalaga atoa e aunoa ma se palola.
O loo i luma nei o le Komiti filifilia le pili mo ia suiga.
Puna o Faamatalaga: https://www.rnz.co.nz/news/national/531471/three-strikes-bill-government-wants-tougher-version-of-the-law
