Ua manumalo Niu Sila i taaloga uma e tolu na taaalo ai ma Initia ma ua faailoa faato’ā faia’ina lea faapea o Initia i o latou vaifanua.
Fai mai se tasi o a latou tama taalo ta’uta’ua i le kilikiti o Sachin Tendulkar i le ABC, o se fuālaau ua faigatā ona inu le faia’ina ua iai ae fai mai le kapeteni o le ‘au a Egelani o Michael Vaughn o se malo aupito sili lenei malo.
O le isi laasaga e sosoo ai o le a malaga mai ai Initia i Ausetalia nei mo a la taaloga e lima i le faagatama lava o le kilikiti e amata i le aso 22 o le masina nei.
Faailoa le fiafia o le ‘autapuai a Niu Sila i Ausetalia nei i le i’uga o le fetauiga lea i le va o Niu Sila ma Initia.
Fai mai le ‘autapuai a Initia i Ausetalia e lē o se faia’ina taliagofie le faia’ina lea aemaise o loo faia’ina i ona laueleele.
Puna o Faamatalaga: https://www.abc.net.au/news/2024-11-04/new-zealand-india-test-cricket-sweep-sachin-tendulkar/104556974
