Ua taliaina e le palemia sa iai o Hungary o Viktor Orban lona faia’ina i le palota sa faia a le atunuu ina ua palota silia ai lē sa o la tauva o Peter Maygar na ia maua le 98% o palota. Ua 16 tausaga o iai pea Orban i le tofi palemia o lea atunuu ma ua fetaua’ina i lipoti a le BBC e lelei sootaga ma Putin faapea foi Trump.
Ole tulai mai la o Maygar lea ole a avea ma palemia fou ua lipotia e le BBC e lē taumate o le a lelei sootaga ole palemia fou ma le Atu Europa ma ua fetaua’ina foi le ono maua ai o se fesoasoani tau tupe mo Ukraine.
Faailoa i le lipoti i le taimi o Orban sa ia tē’ena ai fesoasoani mo Ukraine atoa ai ma le avea o Ukraine ma sui ole EU poo le European Union. Ao avea foi Orban ma palemia sa faamoemoe tele Hungary i le malosiaga energy a Lusia ma ua tau fai mata’itū nei e le toatele poo a suiga ole a vaaia i le atunuu i le palemia fou ua malo nei.
Puna o Faamatalaga: https://www.bbc.com/news/live/c2d8zw2d3rkt
