E talitonu leoleo o se tamaitai na maua ua maliu i le ogatotonu o Perth i le taeao ananafi, na faaoolima iai se tasi. 

O le tamaitai 24 tausaga mai regional Western Australia na maua i se kapaka i Wellington St poo le ta o le 3 i le vaveao. 

Sa taumafai le vaega o fesoasoani faavavave mo le faia o togafitiga peitai e lei manuia ma maliu ai lava i lea nofoaga.

Na pue e leoleo se alii 27 tausaga e sau foi mai regional Western Australia ma o loo faia nei suesuega.

Fai mai leoleo e masani le toalua lea ma e foliga sa faaoolima se tasi i le ua maliu ae e le o iai ni manuaga o iloa i lona tino.