O se faalavelave tau taavale i le asō i Sini ua tapunia ai se tasi o highway tele ma maliu ai ma se tagata e to’atasi.
Fai mai lipoti na suia auala e tata’i iai taavale i le taimi lea o le taeao ina ua tapunia le Great Western Highway i itu uma e lua, i St Marys.
Fai mai na amata mai i le ta o le 4 i le vaveao ina ua tuli e leoleo se taavale o le ituaiga o le Holden na saosaoa ane i Great Western Highway.
E le’i maua e leoleo peitai mulimuli ane na soso’a ai e le taavale lea se isi taavale o le ituaiga o le Toyota Corolla ma aafia ai ma le avetaavale e leai se sootaga i le su’esu’ega na faia a leoleo ma maliu ai lava i lea nofoaga.
O loo faatalia le faamaoniga o si alii ua aafia pe a mae’a su’esu’ega ae lipotia na sola ese le avetaavale o le Holden peitai na toe maua mulimuli ane.
Ta’ua o se alii e 43 tausaga lea ua taofia e leoleo ma sa faia su’esu’ega ma togafitiga a foma’i i le falema’i i Nepean ma faagasolo pea le su’esu’ega.
Puna o Faamatalaga: https://www.9news.com.au/national/man-dead-police-declare-critical-incident-western-sydney/03c3a431-d243-4d15-a89b-de54430f3fa9
