E toatasi le tagata ua lipotia mai ua maliu i se faalavelave ogaoga e aofia ai se laau na pa’ū i Hagley Park i Kalaiesetete.
Fai mai leoleo na logoina latou i le faalavelave lea i le lata i le 10 i le taeao analeila ma faasāina ai se vaega tele o le paka e lata i le United Croquet Club ma le Te Kura Tennis Club.
Ua lipotia e le Stuff o le faalavelave e aofia ai nisi sa galulue i laau i totonu o le paka lea.
E le o tele ni faamatalaga o maua mai lenei faalavelave i le taimi nei, ae fai mai leoleo e le o fia faia foi sa latou faamatalaga mo le taimi nei seia mae’a le suesuega ae faapea foi ma le Christchurch City Council.
O loo faatalia nei se lipoti foi mai le Worksafe a o faatino ai suesuega i lenei mataupu.
